Ina ng mga Walang Mag-ampon

Mahal na Birheng Maria, Ina ng mga Walang Mag-ampon,

dalhin sa iyong puso ang aming munti at malaking kabiguan

dalhin sa iyong puso ang paninigas at panlalamig ng aming pandama

dalhin sa iyong puso ang unti-unting panlalabo ng ningas ng aming pag-asa

upang sa pagtibok din doon ng Kamahal-mahalang Puso ni Kristo ay

maghilom ang aming mga sugat nang walang iniiwang pilat

sumigla ang aming buhay sa pagsapit ng tapat na pagmamahal

mag-ugat ang butil ng pag-asang nasa palad ng dumaramay.